Ўзбек футболининг 100 йиллик юбилейи логотипи тасдиқланди
ЎФФ ўзбек футболининг 100 йиллик юбилейини нишонлаш бўйича тадбирлар режаси тасдиқлагани ҳақида хабар бериб ўтгандик. ЎФФ қошидаги «Soccer Pro» шўъба корхонаси юбилейга бағишланган миллий логотип дизайнини ишлаб чиқиб, ташкилий қўмита томонидан тасдиқдан ўтказди. Айни пайтда «Soccer Pro»миллий логотип тасвири туширилган махсус сувенир ва босма маҳсулотлар, байроқ ва байроқчалар ҳамда бошқа эсдалик совғаларни тайёрлашни режалаштирмоқда.
Ўзбек футболининг 100 йиллиги логотипини янада оммалаштириш мақсадида футбол бўйича Ўзбекистон чемпионати ва Кубоги, Биринчи лига ва Ёшлар лигаси мусобақаларида, шунингдек, бошқа тегишли турнирларда ўйнайдиган футболчи, мураббий ва расмий шахсларга логотип тасвири туширилган либосда майдонга тушиш мажбурияти юкланади.
манба : the-uff.com
