Яхшилик аломати

Кимларгадир «Локомотив»нинг трансфер бозорида фаол иштирок этаётгани эриш туюл­япти. Шахсан мен бетараф мухлис сифатида «темирйўлчилар» раҳбариятининг сиё­сатини маъ­қуллайман.

«Бунёдкор»нинг катта саҳнага қандай чиққанлиги ҳали эсимиздан чиққани йўқ. Аввалига катта харажатлар, шов-шувли трансферлар... Мана, жамоанинг ҳозирги ҳолатига эътибор беринг: харажатлар кескин пасайди, лекин ўз мавқеини сақлаб келяпти. Шу маънода айтганда, «Локомотив»­нинг ҳам катта трансферларга қўл ураётгани яхшилик аломати. Ажабмас, 1-2 йилда чемпионлик учун курашадиган яна бир жамоани кўрсак. Айниқса, бош мураббийликка Хорен Оганесян таклиф этилганидан хурсандман. Унинг «Пахтакор»даги ўйинларини стадионда бевосита кузатганман: жонкуяр етакчи эди. Ўйлайманки, мураббийликда ҳам худди шундайлигича қолган. Менимча, у клубда мустақил иш олиб боради. Футболимизга айнан шундай мутахассислар зарурлиги ҳеч кимга сир эмас. Энди жамоанинг мухлислари озлигига келсак, чиндан ҳам қайғули масала. Фикримча, бу вақтинчалик ҳолат. Яъни футбол сифати ошгани сайин пойтахтлик мухлислар ҳам фаоллашадилар. Тошкент улкан шаҳар ва у ерда 3та эмас, 5та жамоага етадиган фанатлар топилади ҳали. Мисол учун, Лондонни олайлик. У ерда нечта жамоа бўлса, барчаси ўз мухлисларига эга. Нега энди бизда шундай бўлмаслиги керак? Ишончим комил, мухлислик бобида ҳам ҳали кўп юксаламиз. Фақат бунинг учун футбол сифати ошиши зарур. Бошқача айтганда, чемпионлик учун чинакамига курашадиган жамоалар керак. «Локо» раҳбарияти айнан шу мақсадда ҳаракат бошлаган экан, уни ол­қишлашимиз мақсадга мувофиқ.

Мулоҳаза

Янгисини қўшиш Қидирув RSS

Изоҳ қолдириш
Исм:
Email:	КўрсатмаКўрсат
Мавзу:
	Илтимос сиздан, юқорида кўрсатилган расмдаги белгиларни берилган қаторга киритинг.