Рибка жазоланди
Донецкнинг «Шахтёр» клуби дарвозабони Александр Рибка УЕФА томонидан икки йилга расмий ўйинлардан четлатилди. Бунга унинг қонида та-қиқланган препаратлар борлиги аниқлангани сабаб бўлди.
Албатта, Европа футбол иттифоқнининг бу қарори «Шахтёр» раҳбариятига маъқул келмади. Шу иш юзасидан кончилар керакли жойларга мурожаат қилишларини айтиб ўтишган. Жамоа раҳбарларидан бири Сергей Палкиннинг айтишича, «Шахтёр» жазо муддатини қисқартириш учун курашади. Шу ўринда айтиш жоиз, Рибкага тақиқланган препаратларни клуб шифокорлари ёзиб беришмаган. У ортиқча вазндан халос бўлиш учун уйида турли дориларни ичиб юрган.
