29 январдан Тошкентда ўқув-йиғин машғулотларини бошлаган «Навбаҳор» кунига икки маҳалдан «НБУ-Осиё» майдонида машғулотларни олиб бормоқда. Ҳаво даражаси кескин совиб кетганлиги ва қор ёғаётганлиги сабабли, бугунги машғулотлар спорт комплексда ўтказилди. Футболчиларни жисмоний тайёргарлигини яҳшилаш ҳамда таркибга янги қўшилган футболчиларни нималарга қодир эканликларини билиб олиш мақсадида Тошкентда бир қатор ўртоқлик учрашувлари ўтказилмоқда. Шундай ўйинларнинг яна бири 8 февраль чоршанба куни тошкентнинг «Локомотив» жамоасига қарши кeчиши кутилмоқда. Темирйўлчиларга қарши ўйинга қадар, Қозоғистон жамоаларидан бири билан ўртоқлик учрашуви ўтказилиш ҳам мумкин. Тошкентдаги йиғин 11 февралга қадар давом этади.

Ҳабарингиз бор, Виталий Почуев Намангандаги машғулотлар давомида жароҳат олганлиги сабабли бироз муддатга сафдан чиқган эди. Айни пайтда Почуев «Навбаҳор» сафига келиб қўшилган. Лекин, жароҳатидан асоратлар қолганлиги сабабли Виталий якка тартибда шуғулланмоқда. Яна бир иқтидорли ҳимоячи Жаҳонгир Меҳмонов эса О.Т.Ж билан бирга эртанги ўйинга тайёргарлик кўрмоқда. Олимпиячиларимиз эртанги ўйинни ўтказиб олганларидан сўнг Меҳмонов “лочинлар” иҳтиёрига келиб қўшилиши кутилмоқда.Ўйинчилар ўртасида рақобатни кучайтириш мақсадида таркибга янги ўйинчилар жалб этилган. Улар ҳақида кейинроқ батафсил тўхталиб ўтамиз.

Мулоҳаза

Янгисини қўшиш Қидирув RSS