"Армиячилар"дан янгиликлар
ЦСКАнинг ёш ҳимоячиси Георгий Шенниковга Дортмунднинг «Боруссия» клуби қизиқиб қолди. Германия чемпиони 20 ёшли футболчи учун 4 миллион евро бермоқчи.
Аммо москваликлар унинг трансфери борасидаги музокараларни май ойидан олдин бошламоқчи эмаслар.
Москванинг ЦСКА клуби «Янг Бойз»нинг замбиялик футболчиси Эммануэл Маюкага қизиқаётганини тасдиқлади. Хабарларга қараганда, москваликлар 21 ёшли футболчи учун 5 миллион евро беришга тайёр эканлар. У «Фламенго»га ўтиб кетган Вагнер Лавнинг ўрнини эгаллайди. Шунингдек, Маюкани «Динамо» (Киев), «Лилль», «Марсель», «Ньюкасл» ва «Фулхэм» жамоалари ҳам ўз сафларида кўриш истагидалар.
