"Олмалиқ": Тажриба ўз сўзини айтди...
Ўзбекистон кубоги-2010 1/16 финал доирасида “Бунёдкор-2” ва “Олмалиқ” жамоалари ўзаро куч синашишди. Асосан 1992/93 йилларда таваллуд топган футболчилардан иборат “Бунёдкор-2” аъзолари Игорь Шквирин бошчилигидаги “Олмалиқ” жамоасига 2:1 ҳисобида имкониятни бой бериб қўйишди.“Бунёдкор-2” – “Олмалиқ” 1:2 (0:2)
Голлар: Эргашев 8 (0:1), Зотеев 17 (0:2), Аҳмаджонов 51 (1:2)
Огоҳлантиришлар: Мамазулунов 47, Аҳмедов 49, Сафоев 63
Амалга оширилмаган пенальти: Мамазулунов 63 (дарвозабон)
“Бунёдкор-2” (Тошкент): Сафоев, Мусурмонов (Ниёзов 82), Зуфаров, Ҳасанбоев, Зуҳриддинов, Аҳмедов, Аҳмаджонов, Икромов, Қуролов, Қосимов (Азимов 71), Сейтниёзов (Искандаров 71)
“Олмалиқ” (Олмалиқ): Ершов, Ғуломхўжаев, Кагиров, Ҳамроев (Усмонов 46), Муллажонов, Паздеев, Эргашев, Ҳайдаров, Шоаҳметов, Зотеев (Пиримов 61), Мамазулунов (Лупашка 88)
Ҳакамлар: С.Зайлобиддинов (Фарғона) – 8,7; Н.Тошматов (Қўқон) – 8,7; Р.Содиқов (Қўқон) – 8,0; А.Мўминов (Тош. вил.) – 9,0
27 март. Чирчиқ. “Кимёгар” стадиони. 215 томошабин
Учрашувни кутилганидек “Олмалиқ” аъзолари ўз устунликларида бошлашди. Дастлабки дақиқаларда 16-17 ёшли ўсмирлардан ташкил топган “Бунёдкор-2” аъзолари тажрибали рақибларига қарши деярли ҳеч қандай чора қўллай олишмади. 8-дақиқада Исроил Эргашев ва 17-дақиқада Олег Зотеевнинг голларидан сўнг Игорь Шквирин шогирдлари хотиржамликка берилишди. Натижада Александр Волков устозлик қилаётган фарм-клубимиз аъзолари рақиб жамоа дарвозаси томон хавфли вазиятлар уюштиришган ҳолда “Олмалиқ” аъзоларига ташвиш туғдира бошлашди.
Иккинчи бўлимни анча ишончли тарзда бошлаган ўсмирларимиз 51дақиқада Маъруф Аҳмаджоновнинг голи эвазига ҳисобни қисқартиришди. Тўпни бир-бирларига оширишаётган ҳимоячиларни Аҳмаджонов сўнгги лаҳзагача таъқиб этди. Ниҳоят, Дониёр Усмонов тўпни дарвозабон томон оширди. Кутилмаганда Денис Ершов тўпга зарба беришди қўпол хатоликка йўл қўйди. Натижада Маъруф Аҳмаджонов тўпни эгаллаб олиб, дарвозана зарба беришда адашмади – 2:1.
63-дақиқада Зафар Сафоев тўп учун курашда Мўйдин Мамазулуновга нисбатан ўйин қоидасини бузди. Вазиятга яқин турган учрашув ҳаками Султон Зайлобиддинов ҳеч иккиланмай пенальти белгилади. Мамазулунов 11 метрлик нуқтадан йўллаган кучли зарбаси йўналишини Сафоев топди ва тўпни эгаллаб олди.
Қолган дақиқаларда ҳам фарм-клубимиз вакилларида бир неча бор голли вазиятлар юзага келди. Айниқса, учрашув якунланиши арафасида Фурқат Ҳасанбоев томонидан йўллаган кучли зарбани Денис Ершов жуда катта қийинчилик билан майдон ташқарисига чиқариб юборди. Бир сўз билан айтганда учрашув давомида тажриба ўз сўзини айтди.
Манба: "Бунёдкор" ФК сайти.
