Ўзбекистон кубоги-2010

27 март куни Ўзбекистон кубоги 1|8 финалида иштирок этадиган яна 12та жамоа номи маълум бўлди. 1|16 финал босқичидан олий лиганинг битта жамоаси ўтолмади - «Хоразм». «Локомотив-БФК» Вали Султонов жамоаси олдига тўсиқ қўйиш уддасидан чиқди.

Термизда "Динамо-Ҳамкор" меҳмони бўлган жамоамиз 4:0 ҳисобида ғалаба қозонди.  Стадион майдонининг аҳволи ҳаминқадар эканлиги боис ҳар икки жамоа аъзолари тўпни бир-бирларига ошириш, рақибни алдаб ўтиш ва тўп учун курашишда катта қийинчиликларга дуч келишди.

Ўзбекистон кубоги-2010 1/16 финал доирасида “Бунёдкор-2” ва “Олмалиқ” жамоалари ўзаро куч синашишди. Асосан 1992/93 йилларда таваллуд топган футболчилардан иборат “Бунёдкор-2” аъзолари Игорь Шквирин бошчилигидаги “Олмалиқ” жамоасига 2:1 ҳисобида имкониятни бой бериб қўйишди.

27 март куни Тошкентдаги “Пахтакор” марказий стадионида бўлиб ўтган Ўзбекистон Кубогининг 1/16 финал баҳсида пойтахтнинг “Локомотив-БФК” (БФК-Болалар футбол клуби) Урганчнинг “Хоразм” жамоасини 1:0 ҳисобида мағлубиятга учратиб, нуфузли мусобақадан чиқариб юборди.

Учрашув бошланишидан бир неча соат олдин стадион миллионлар ўйинини соғинган мухлислар билан лиқ тўлди. Наманган вилоят ҳокими ўринбосари А.Султонов 19-миллий чемпионатимиз бошланиши билан мухлисларни табриклади ва ҳар икки жамоа аъзоларига жорий мавсумда омад ёр бўлишини тилади.