Кеча Бекободдаги "Анохин" номли ўйингоҳда мамлакат чемпионатининг сўнгги тури якунланди. Жамоамиз 26 турда Бекободнинг "Металлург" жамоаси меҳмони бўлишди. Мазкур ўйин анча кескин ва муросасиз тарзда кечди. Бекободликлар мусобақа жадвалидаги мавқеларини яхшилаб олиш учун ғалаба қозонишлари лозим эди, лекин, жамоамизни иккинчи таркиби бунга йўл қўймади. Ўйиннинг дастлабки дақиқалариданоқ хисобни очиш учун "Навбаҳор" ҳужумчиси Рўзимбой Аҳмедовда яхшигина имконият бўлган эди аммо унинг боши билан берган зарбаси дарвозанинг юқори бурчаги ёнгинасидан ўтиб кетди. Орадан 15 дақиқа ўтар ўтмас мезбонлар қулай имкониятни кўкка совуришди. Даврон Каримқулов тўпни хаволатиб Илёс Қурбоновни яккама якка вазиятга олиб чиқди лекин Денис жамоамизни қутқарди. Учрашувнинг биринчи бўлимининг якунида яна Бекободликларда бирга бир вазият юзага келганида Романенко ажойиб "сейфи" билан голдан қутқарди. Шу тариқа биринчи бўлим тугади. Иккинчи бўлимда эса тўп асосан майдон марказида кечди. Хужумлар ўзилиб қолавериб муҳлислар этирозига сабаб бўлди. Ўйин тугагач чемпионат байроғи мадҳия садолари остида туширилди. Шу тариқа жамоамиз ўзининг иккинчи таркиби билан Бекободдан очко юлиб келди ва "Навбаҳор" ўзини олдига қўйилган вазифани уддалаб 6-ўринда қотди.
ПФЛ 2011,  5.11.2011,  26 тур.
«Металлург» (Бекобод) – «Навбаҳор» (Наманган) – 0:0. 5138 томошабин.
Хакамлар: И. Танташев (Бухоро) – 7,8, О. Юсупов (Андижон) – 8,2, У. Каримов (Андижон) – 8,0, Р. Копадзе (Фарғона) - 8.
Назоратчи: Р. Серазитдинов (Тошкент).
Огоҳлантиришлар: Ш. Йўлдошев (30), О. Исабоев (44), Ш. Нурматов (65) – Э. Низомбоев (44), Д. Романенко (53), Ж. Отақулов (76).
Энг яхши ўйинчилар: М. Икромов – Д. Романенко.
"Металлург": Маъмур Икромов, Одил Исабоев, Ҳикмат Ҳошимов, Саидкомил Акбаров, Абдували Мўминов, Дониёр Одилов (Шаҳзодбек Нурматов 61), Руслан Вагапов, Даврон Каримқулов, Шуҳрат Йўлдошев, Дилмурод Каримов, Илёс Қурбонов (Шоҳназар Норбеков, 77)
"Навбаҳор": Денис Романенко, Жамол Отақулов, Илҳом Бойдедаев, Жаҳонгир Меҳмонов, Темур Султонов, Ғайрат Жўраев, Элмурод Низомбоев (Рустам Қурбонбоев 55), Азим Аҳмедов, Абдулазиз Султонов, Рўзимбой Аҳмедов (Абдумалик Абдуллаев 74), Жасур Бобоев (Аъзам Алиев 69).