ПЕПЕНИНГ 7ТА ҚАБИҲЛИКЛАРИ
Мадриднинг «Реал» клуби ўйинчиси Пепе «Барселона»га қарши Испания кубоги доирасидаги баҳсида унинг олдидан Жозе Моуриньо кўп марта такрорлаганидек жамоасининг тактик жойлашишдаги рамзи бўлиб чиқмади.
У бироз бошқачароқ ўйнашга қарор қилди: аввалига умуман «фейр-плей»га зид равишда симуляция ишлатди, кейин эса майдонда ётган Лионель Мессининг қўлларини атайин босиб ўтиб кетди. Sports.ru сайти португалиялик ушбу ҳимоячининг бундай «ишлари» биринчи марта кузатилмаётганлигини ҳисобга олиб Пепенинг қабиҳликлар хит-парадини тузиб чиқди.
7. «Манчестер Юнайтед»га қарши
Пепе ҳали «Порту»далигидаёқ бир-икки марта рақибининг қўполлигини ҳаддан зиёд даҳшатли кўрсатиб унга қизил карточка кўрсатилишига эришган. Ўртоқлик учрашувида унга нима учун бундай ўл тутиш керак бўлганлиги ҳозиргача жавобсиз қолмоқда. Қолаверса, ўша ўйинда бош ҳакам Уэйн Рунини четлатгани билан португалияликлар мағлубиятдан қўтилиб қолишмаганди - 1:3.
Уэйннинг ўзи эса эндигина ичидагини тўкиб солди. Ўз твиттерида анча олдин уни хафа қилган Пепени аҳмоқ деб атади:
6. «Барселона»га қарши
Ўтган йилги еттита класикодан бирида Пепе Лионель Мессини ўта даҳшатли тарзда кутиб олганди. Бунинг учун ҳакам томонидан атиги сариқ карточка билан сийлангани анча-мунча баҳс-мунозаларга сабаб бўлганди.
5. «Барселона»га қарши
Афсуски «Олтин глобус» мукофоти тақдирлаш маросими якшанба куни ўтказилди. Бошқа кун бўлганида класикодаги симуляция ва бошқа ҳолатлардан бир иккитаси номзодлар қаторида зикр этилган бўларди.
4. «Леванте»га қарши
2011 йилнинг 18 сентябрь куни «Леванте»га айни пайтдаги «Реал»ни, албатта «Барселона»дан ташқари, мағлуб этган охирги жамоа бўлиш насиб этганди. Пепе мағлубиятни ҳазм қилолмаганди ва қоидасига кўра рақибни ўз усули билан жазолади. Хави Торресга нисбатан ўта қўпол ҳаракатда бўлди.
3. «Лион»га қарши
Ўтган йилги Чемпионлар Лигасининг 1Ғ8 финал доирасидаги «Лион»га қарши жавоб ўйинида «Реал» совуққонлик ва ишонч билан ўйнаб 3:0 ҳисобидаги ғалабага эришди. Пепе эса бир неча марта ўзини Жеки Чан ролида синаб кўришга қарор қилди.
2. «Барселона»га қарши
Куни кеча бўлиб тўган навбатдаги класикода Пепе яна Лионель Мессига нисбатан очиқчасига жирканч муносабатда бўлиш билан «намоён» бўлди. Ўйин тўхтатилган пайтда майдонда ётган Мессининг қўлини атайин босиб ўтиб кетди. Пепенинг навбатдаги қабиҳлиги учун билдирилган муносабатлар ичида Уэйн Руниникидан яхшиси бўлмаса керак.
1. «Хетафе»га қарши
2008Ғ2009 йилги мавсум охирида «Хетафе» сардори Франсиско Каскерога қийин бўлди. У Пепенинг даҳшатли оёқлари остида қолиб кетди. Рақибни бу тарзда кутиб олгани учун португалиялик футболчи 10та ўйинга дисквалификация қилинганди.
Адолат юзасидан тан олиш керакки, мазкур ҳолатдан кейин Пепенинг сўзлари барчанинг кўнглини юмшатганди, раҳмини келтирганди: «Ҳаётимдаги энг ёмон дамларни бошимдан ўтказяпман. Ҳаато энди футбол ўйнашни ҳам хоҳламаяпман. Бу вазиятни телевизор орқали кўрдим ва ўзимни танимай қолдим. Бу менга ўхшамайди, шунчаки назоратни йўқотиб қўйдим, худди ақлимни йўқотгандайман. Айни пайтда менинг атрофимда бўлаётган ишлар жазодан ҳам оғир. Агар футболга қайта олмасам қандайдир бошқа нарса билан шуғулланишга мажбурман».
М.ПЎЛАТОВ. тайёрлади.
