Футболчи эмас, балки...
2010 йилнинг кузида Найжел де Йонг ноодатий тарзда Хатем Бен Арфани сафдан чиқарганидан кейин Sports.ru сайти футбол тарихидаги энг қўпол ўйинчилар рейтингини тузиб чиққанди.
Ўша рўйхат куни-кеча бўлиб ўтган «Реал» ва «Барселона» ўртасидаги навбатдаги суперклассико (Испания кубоги 1|4 финали, биринчи учрашув)да Пепенинг ваҳшиёна ҳаракатларидан кейин янада кенгайди. Умуман, бир йил ичида рейтингда анча-мунча ўзгаришлар рўй берди: Жоуи Бартоннинг ажабтовур позицияси, Луис Суаресдан ўзгача саргузашт ва янги етакчи...
11. Андони ГОЙКОЭЧЕА
«Қассоб» лақаби унга оқ халат ёки ўзига хос хоббиси туфайли берилмаган. Эътиборлиси, Андонининг коллекциясида нимадир топиш мумкин: айтишларича, ҳимоячи Марадонани «синдирган» бутсасини меҳмонхасининг кўзга кўриниб турадиган жойида сақлайди.
10. Найжел ДЕ ЙОНГ
2010 йил «Терьер»га аталди. Аввалига у ўртоқлик учрашувида Стюарт Холден оёғини синдирди, кейин жаҳон чемпионати финалидан фойдаланиб, барчага кунг-фуни кўз-кўз қилди ва ниҳоят, навбат Хатем Бен Арфага келди. «Ньюкасл» ярим ҳимоячисини ярим йилга сафдан чиқарган Найжел аслида мулойим ва хушчақчақ инсондай кўринади...
9. Луис СУАРЕС
Суарес Голландия тўпураридан то Уругвай терма жамоасини жаҳон чемпионати ярим финалига олиб чиқишгача бўлган йўлни бир неча йилда босиб ўтди. Футболчилик ва ёввойилик орасидаги йўлни эса икки сонияда. Суареснинг янги саргузашти шундай: «МЮ»нинг қора танли ҳимоячиси Патрис Эвра шаънига «negro» сўзини айтгани учун узоқ муддатли дисквалификацияга дучор бўлди.
8. Марко МАТЕРАЦЦИ
Агар Марко ҳақида ҳеч нарса эшитмаган бўлсангиз, ҳар ҳолда, тасодифан сайтга кириб қолишингиз мумкин: «Матрица» сени...». Бу ибора фақат фильм ҳақида эмас.
7. Марк ВАН БОММЕЛь
Маркнинг даҳшатли «подкат»лари бундеслига ўйинчилари ва Голландия терма жамоасига рақиблик қилган футболчиларни фақат унинг ўзига душман қилди, холос. Бақувват қўллар эса ҳозирча биргина Фернандо Мейрада кўринди.
Оғир характер, катта миқдордаги кўплаб жарималар ва озодликдан маҳрум бўлиш Жоуини Англия матбуотининг бош қаҳрамонига айлантирди. Сиз сўрашингиз табиий: шундай бўлгач, у нима учун ҳозиргача футбол ўйнайди? Шунчаки, бу йигит ажойиб иқтидор соҳиби-да.
5. ЭДМУНДО
Пепе дунё юзини кўргунича бразилиялик ушбу ўйинчи тарихдаги энг телба спортчи эди. Эдмундо рақибларига тиззасини тўғрилаб оларди, ҳакамларга қўпол муносабатда бўларди, «подкат» устаси эди ва майдонда оммавий тартибсизликлар уюштирарди. Хуллас, бир сўз билан айтганда, ҳайвондан асло фарқ қилмасди.
4. Элизабет ЛАМБЕРТ
Агарда ушбу хоним эркакларга қарши ўйнаганида, Марко Матерацци майдонда италиялик юмшоққина бир ёш болакай бўлиб кўринарди. Энди бир тасаввур қилинг, у мабодо ўз «иши»ни Лео Мессига нисбатан қўлласа ёки Криштиану Роналдунинг оёқлари остига ташланса нима бўлишини...
3. Винни ЖОНС
Винни Жонс «Суяксиндирар»да суратга тушиш ва «Гарфилд»нинг иккинчи қисмида қўриқчи ит овозини беришдан олдин Англия премьер-лигаси ҳужумчилари учун даҳшатнинг ўзгинаси эди. Пол Гаскойнга нима бўлганинику айтишга ҳожат йўқ. Жонс фаолияти давомида 12 марта қизил карточка олган. Жумладан, улардан бири футбол тарихидаги энг тезкор четлатиш ҳисобланади. Шундай «каромат»ларга қодир «Секира» (Жонснинг лақаби) рейтингнинг учинчи ўрнига тўлақонли муносибдир.
2. Рой КИН
Қизиққон ирландиялик йигит майдондан четлатилиш бўйича Англия футболи тарихида рекордчи ҳисобланади (13 марта). Ушбу 13та қизил карточка «МЮ»дек клубда «ишлаб» топилганини алоҳида ҳисобга олиш жоиз. Агарда Рой бошқа кучсизроқ клубда ўйнаганида майдонни неча марта эрта тарк этарди - буни тахмин қилиш ҳам мушкул.
1. ПЕПЕ
Агар ўта қўпол ҳаракатлар учун футболчини қамоққа тиқишганида, Пепе биргина вазият сабаб умрбод панжара ортида ўтирармиди? Масалан, жабрдийда ролида Хавьер Каскеро бўлган вазият учун. Ана шу баҳсдан икки йил ўтиб, Пепе бошқа ишларга ҳам қўл урди, лекин алоҳида таъкидлаш жоиз, «ифлослар» сардорлик боғичини куни-кеча кўрсатган «каромати» туфайли қўлга киритди.
